Erkin Qədirli: “Səfərbərliyə alınanların bank kreditləri dondurulsun”

Deputat Erkin Qədirli Milli Məclisin plenar iclasında çıxış edərək səfərbərliyə alınmış şəxslərin övladları, ailə üzvləri tərəfindən edilən müraciətlərə diqqət çəkdi.

Millət vəkilinin sözlərinə görə, onlar xahiş edirlər ki, ailə başçıları səfərbərliyə alındıqları dönəmdə bank kreditləri dondurulsun. “Xahiş edirlər ki, o bank kreditləri silinməsin, sadəcə dondurulsun. İnşallah onlar qayıdandan sonra bank kreditlərini ödəyərlər. Özü də nəinki faiz və cərimə, əsas borc da dondurulsun. Səfərbərliyə alınanların buna mənəvi və hüquqi haqqı çatır”, E.Qədirli əlavə etdi.

Deputat bildirdi ki, Vətən borcunu yerinə yetirənlər başqa borclar, bank kreditləri, yaxud valideynlərinə, övladlarına kimlərin baxacağı barədə düşünməməlidir.