Erməni müxalifətinin lideri İlham Əliyev barədə danışdı

Ermənistanda Serj Sarkisyanın hakimiyyətdə qalmasına qarşı etiraz hərəkatının lideri Nikol Paşinyan bu gün parlamentdə çıxış edib.

O, Dağlıq Qarabağ münaqişəsilə bağlı danışarkən Azərbaycanın Ermənistana hərbi təhlükə yaratdığını qeyd edib.

Azərbaycan prezidenti İlham Əliyev Ermənistanı hətta İrəvanı alacağı ilə hədələyir, o deyib.

“Biz hamımız anlamalıyıq ki, Azərbaycan rəhbərliyi İlham Əliyevin simasında hər bir imkandan istifadə edərək Dağlıq Qarabağ Respublikasını və Ermənistan Respublikasını hədələyir və hətta Ermənistan paytaxtının fəthindən danışır”.

“Biz ölkəmizi qorumaq gücündə olmalıyıq”, “Gücdən istifadə təhlükəsinin aradan qalxmasını təmin etməliyik” – o deyib (BBC-Azərbaycanca).