Ermənilərin ən məşhur lotusunu həbsxana rəisi “sındırır”

Rusiyadakı lotulardan heç kim Suxobezvodnoe adlanan həbsxanaya düşmək istəmir.

Buradakı qaydalar başqa həbsxanalardan tamam fərqlidir. Yəni oğru qanunları burada işləmir.

Həbsxana rəisi  Aleksandr Kolqanov  ən qatı cinayətkarları belə  ram etməyə qadir olan prinsipial zabit sayılır.

Bugünlərdə həbsxanaya məşhur erməni qanuni oğru Sergey Asatryan etap olunub. Kriminal aləmdə “Seyoja Bentli”  ləqəbi ilə tanınan qanuni oğru 9 il həbs cəzası alıb.

Həbsxanaya gəlməsi ilə qanı qaralıb. Əksər  həbsxanalarda qanuni oğruların yaşayışı adi məhbusun həyatından büsbütün fərqlənir.  Lotunun əynində bahalı geyim olur, onun yaşadığı otaq da ayrıca olur .

Və içində internet, televizor, xalça və sair şeylər lotunun komfort həyatını təmin edir. Soyuducunun boş qalmaması da məhbusların üzərindədir. “Vor zakon”ların  əllərində ən bahalı smartfonları kimsə almağa cürət etmir.

Sergey Asatryan

Suxobezvodnoedə isə əksinə… Asatryanın əynindəki  qırmızı idman formasını çıxarıb adi məhbus geyimi veriblər və ümumi barakda  çarpayı ayırıblar.  Kolqanov deyib ki, hamı kimi o da işləməyə çıxacaq, yoxsa  cərimə  karsı və başqa cəzalar mütləqdir.

Suxobezvodnoe (сухобезводное зона)

Asatryanın həbsxanada  iğtişaş qaldırmaq istəyi də alınmayıb. Məhbuslar bilir ki, onlarla danışıqlara gedən olmayacaq. Kolqanov xüsusi təyinatlıları çağırsa hamını dubinkalayacaqlar.

Erməni lotu məcbur olaraq azadlıqdakı əlaqələrini işə salıb, prokurorluğa və digər instansiyalara şikayət yazıb.
Hazırda həbsxanada təftiş gedir. Kolqanovu inzabati yolla yumşaltmağa nail olacaqmı-bunu zaman göstərəcək.

Sfera.az