“Fənərbağça” və “Qalatasaray” klublarının ortaq tarixi – Əzəli rəqiblərin qardaş münasibəti
Biz bu iki nəhəngin hər zaman bir-birilərini düşmən kimi gördüklərini düşünsək də, tarixə nəzər salsaq hər 2 komandanın çox yaxın, bəlkə də qardaş komandalar olduğunu görərik.
Ortaq komanda “Fənərsaray”
Əzəli rəqiblər 1912-ci ildə komandaların birləşdirilməsi üçün görüşmələr keçirir. Hər iki komandanın rəhbərləri Ali Samiyən və Hulusi Hüsnü Kayacan xarici komandalara qarşı mübarizə aparmaq məqsədilə iki klubun birləşməsini nəzərdə tutan sənəd imzalanır. Lakin bu ideya gərçəkləşmir.
Bundan düz 22 il sonra “Fənərbağça” və “Qalatasaray” komandaları xarici ölkə komandalarını dəvət edərək turnir yaradır. Turnirdə “Fənərbağça-Qalatasaray” adı altında yaradılan yığma digər ölkə təmsilçiləri ilə oyunlara çıxır. Bu yığmanın forması isə göy və sarı-qırmızının qarışığından düzəldilir.
Əzəli rəqabət, əbədi dostluq
1914-cü ildə “Fənərbağça” komandasının rəhbəri Qalib Qulaqsızoğlu “Qalatasaray”lı həmkarı Nəcib Şahinə “Ober qardaşlar xəstə, Həsən də zədəlidir. Sizin bizə qarşı az adamla oynamağınızı istəmirəm. Oyunu təxirə sala bilərik” deyir. “Qalatasaray”lı oyunçular sağaldıqdan sonra isə oyun keçirilir.
Əzəli rəqiblər arasında 17 noyabr 1922-ci ildə keçirilən oyundan öncə çox qəribə bir hadisə yaşanır. Oyundan öncə günlərlə yağış yağdığından stadionun ot örtüyü bərbad bir hal alır. O dövr “Fenerbağça”nın prezidenti Qalib Qulaqsızoğlu “Qalatasaray”ın prezidenti Nəcib Şahinə zəng edərək oyunun ertələnməsini təklif edir. Nəcib Şahin bunun qarşılığında “Anamız bizi bu gün üçün doğub. Qalib bəy, oraya gəlib oyunu oynayacağıq” deyərək cavab verir.
“Galatasaray” klubu Kadıköyə gəlir və oyundan 3-0 məğlub qayıdır. Tarix boyunca isə iki klub arasında keçirilən ilk 8 oyunda “Qalatasaray” qalib gəlib. Rəqabət də beləcə başlayır.
Tamerlan Mehdi
Minval.İnfo