Fazil Mustafa: “Savadlı hakimlərimizin sayı çoxdur, amma müstəqil hakimlərimizin sayı olduqca azdır”
Deputat Fazil Mustafa Milli Məclisdəki çıxışında məhkəmə hüquq-sistemindəki çatışmazlıqlardan bəhs etdi. Bu mənada deputat Biləsuvar icra başçısının həbsinə diqqət çəkdi.
F.Mustafa bildirdi i, həmin başçı vətəndaşların torpaqlarının əlindən alınması ilə bağlı əldə etdiyi 150-yə yaxın qərarı zorla verməmişdi. Deputatın sözlərinə görə, o, bu addımı məhkəmə yolu ilə, qanuni yolla atmışdı. Deməli, digər rayonlarda da bənzər hallar var. “Əgər bütün bunlardan sahibkar, vətəndaş ayaqda qala bilibsə, buna şükür etmək lazımdır. Biz ədalət mexanizmini mütləq cəmiyyətə qaytarmalıyıq. Məhkəmə sistemində ədalət olmayacaqsa, digər məsələlərlə bağlı irəliyə doğru gedə bilməyəcəyik”- F.Mustafa əlavə etdi.
Deputat bu gün təyin olunan hakimlərə xitab edərək onları ədalətli olmağa çağırdı: “Savadlı hakimlərimizin sayı çoxdur, amma müstəqil hakimlərimizin sayı olduqca azdır. Məncə, bu məsələyə xüsusi diqqət yetirmək lazımdır”.