Filip Ozobiç Azərbaycan Premyer Liqasında yubiley qoluna imza atıb
Filip Ozobiç Azərbaycan Premyer Liqasında 40-cı qolunu vurub.
Minval.info Peşəkar Futbol Liqasının rəsmi saytına istinadən xəbər verir ki, bu, IV turun “Qarabağ” – “Sumqayıt” matçına təsadüf edib. Dubla imza atan yarımmüdafiəçi Ağdam klubuna 2:0 hesablı qələbə qazandırıb.
O, ölkə çempionatlarının 29 illik tarixində 40 və daha çox qol vuran 61-ci futbolçudur.
Qeyd edək ki, 40-cı qola 101-ci oyununda imza atan futbolçunun orta məhsuldarlığı 0,396-dır.
İlk qol: “Neftçi” – “Qəbələ” – 0:8 (10.09.2016)
“Qarabağ”da ilk qol: “Qarabağ” – “Sumqayıt” – 1:0 (14.09.2018)
Heyətində qol vurduğu klublar: “Qarabağ” – 24, “Qəbələ” – 16
Qol vurduğu mövsümlər: 2016/2017 – 11, 2017/2018 – 5, 2018/2019 – 9, 2019/2020 – 1, 2020/2021 – 11, 2021/2022 – 3
Qapısına qol vurduğu rəqiblər: “Sumqayıt” – 8, “Keşlə” – 7, “Qəbələ” – 5, “Neftçi”, “Zirə” – 4, AZAL, “Qarabağ”, “Kəpəz” – 3, “Sabah” – 2, “Səbail” – 1.
Ozobiç evdə 24, səfərdə 16 qol vurub. O, ümumilikdə 33 oyunda qol vurub: het-trik – 1, dubl – 5, bir qol – 27.
Qeyd edək ki, Filip Ozobiç sentyabrdan Azərbaycan millisində forma geyinir.