Futbolçunun ölümü ilə bağlı matəm elan olundu

Qəzada dünyasını dəyişən İspaniya millisinin sabiq futbolçusu Antonio Reyesin avtomobilinin şəkli yayılıb.

ONA-nın məlumatına görə, “Atletiko”, “Sevilya”, “Real”, “Espanyol” və “Arsenal” kimi klublarda oynamış futbolçunun uğradığı qəzadan az sonra maşının hansı vəziyyətə düşdüyü məlum olub.

35 yaşında ölən Reyeslə birlikdə maşında olan iki yaxın qohumu da dünyasını dəyişiblər. Qəzaya səbəb kimi avtomobilin yüksək sürətlə idarə olunması iddia edilir.

Qeyd edək ki, hadisə ilə bağlı Utrerdə iki günlük matəm elan olunub.