Gəncədə QULDURLUQ: əcnəbinin bütün pullarını əlindən aldılar

Gəncədə quldurluq hadisəsi olub.

Daxili İşlər Nazirliyindən Minval.info-ya verilən məlumata görə, Kəpəz rayon Polis İdarəsinə müraciət edən əcnəbi vətəndaş R.Mustafa sentyabrın 19-da saat 3 radələrində Gəncə şəhəri Hacıməlik qəsəbəsi ərazisində 3 nəfərin onu kəsici alətlə hədələyib 428 manat pulunu aldıqlarını bildirib.

Polis əməkdalarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən R.Sadıqov, əvvəllər məhkum olunmuşlar – R.Tağıyev və K.Abbasov avtomobillə birgə Sumqayıt şəhəri ərazisində saxlanılıblar.

Faktla bağlı araşdırma aparılır.