Günel “Maşın”ın gizli məqamlarından danışdı: “İştirakçılar Rozadan qorxurlar, çünki…”
“Maşın” şounun üçüncü günündə müğənni Roza Zərgərli səsvermədə qalib olaraq, aparıcı Günel Hümbətovanı oyundan uzaqlaşdırıb.
Roza Güneli ikiüzlülükdə ittiham edib: “Hədəfim Günel deyildi. Amma indi fikrimi dəyişdim. Günel iki gündür özü üçün sığorta istəyir. Bu da məni əsəbləşdirir. Sən ikiüzlü insansan. İndi maskan cırıldı”.
Oyundan çıxan Günel Open.az-a “Maşın” şou nun gizli məqamlarından söz açıb. O verilişin ilk günündə iştirakçıları “ikiüzlü” adlandıran Rozaya irad tutub:
“Bu verilişi xalq izləyir. Düşünürəm ki, mədəni çıxış etmək lazımdır. Bu oyundur və Rozaya kin saxlamıram. Lazımsız jarqonlar, vulqar sözlər gündəlik həyatında çox istifadə etdiyi üçün ona görə normaldır. Lakin mənim üçün normal deyil. Mənə qarşı qruplaşma olduğunu düşünmürəm. İştirakçıların çoxu Rozadan qorxur. Bilirdilər ki, Roza ora çıxıb səs toplayacaq. Elə buna görə də Rozaya qarşı çıxmaqdansa, onun yanında olmağı seçirdilər. Ordakı sirləri danışıb, hər şeyi ortaya çıxarmaq düzgün olmaz. Hər halda tamaşaçılar hər şeyi görür”.
Xatırladaq ki, verilişin ikinci günündə Roza sona qədər hədəfinin Günel olmayacağını söyləmişdi.