Gürcü deputatlar iclas zamanı əlbəyaxa davaya çıxdı – Video

Gürcüstan parlamentinin deputatları İrma İnaşvili ilə Nika Meliya plenar iclas zamanı davaya çıxıb.

“Qafqazinfo” “Ren TV”yə istinadən xəbər verir ki, millət vəkillərin dava videosu sosial şəbəkələrdə yayılıb. İnaşvili keçmiş hakim partiya “Vahid milli hərəkat”ın hökumətdə olduğu dövrü “cinayətkar rejim” adlandırıb. Bu zaman həmin partiyadan olan Nika Meliya ona cavab verib. İnaşvili bundan sonra rəqibinin yanına gedərək stola əlini çırpıb və kağızları Meliyanın üzünə atıb. Deputatların bundan sonra mübahisəsi daha da alovlanıb.

“Vahid milli hərəkat” Salome Zurabişvilinin prezident seçilməsini qəbul etməyib.