Gürcüstan prezidenti: “Azərbaycanlılar və ermənilər sülh içində yaşamalıdır”

Azərbaycanlılar və ermənilər Gürcüstanda sülh içində yaşamalıdır.

Bu barədə Gürcüstan prezidenti Salome Zurabişvili erməni həmkarı Armen Sərkisyanla görüşdən sonra deyib.

“Yaşadığımız regionda sülh və stabillik həlledici rol oynayır. Bu, regionun və ölkələrimizin iqtisadi inkişafı üçün əsas şərtdir”, – deyə S.Zurabişvili vurğulayıb.

Gürcüstan prezidenti bildirib ki, regionda mövcud olan münaqişələrin beynəlxalq hüquq normaları çərçivəsində sülh yolu ilə həlli vacibdir. Onun sözlərinə görə, münaqişələr ölkələrin inkişafını ləngidir və onlar dialoq və danışıqlar yolu ilə həll edilməlidir.