Gürcüstanda daha 1 851 nəfərdə koronavirus aşkarlanıb, 55 nəfər ölüb

Gürcüstanda ötən sutkada daha 1 851 nəfərə koronavirus diaqnozu qoyulub, 55 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Bununla da qonşu ölkədə indiyədək COVID-19-a yoluxanların sayı 814 097-yə, ölənlərin sayı isə 11 553-ə yüksəlib.

Son 24 saat ərzində 5 530, ümumilikdə isə 755 229 nəfər müalicə olunaraq sağalıb.