Hüseyn Əzizoğluna ciddi ittiham: “Sürücüləri tutdurur” – FOTO

Tanınmış viner Hüseyn Əzizoğlunun başı yenə dərddədir. 

Minval.İnfo xəbər verir ki, sosial şəbəkələrdə Hüseyn Əzizoğlu ilə bağlı yeni iddia ortaya atılıb. Aqşin Abdulla adlı facebook istifadəçisi iddia edir ki, məşhur vayner sürücüləri aldadıb, yol polisi tərəfindən cərimə edilmələrinə səbəb olur: “Harada görsəniz, uzaq durun, ehtiyatlı olun. Yolda maşını ilə manevrlər edir, digər sürücüləri çaşdırır, avtoxuliqan kimi “ilişdirir”. 

Onun bu iddiasına Əzizoğlu cavab verib. Vayner deyib ki, haqqında çox söz danışıla bilər, amma belə böhtan atılacağını heç gözləmirmiş: “Məlumat yayırlar ki, guya mən “Niva” markalı avtomobilimlə avtoxuliqanlıq edirəm və digər sürücülər də mənə baxıb, təkrar edirlər. Guya sonra özüm gizlənirəm və digər maşınların nömrələrini polisə verib, onları cərimə etdirirəm. Ayıbdır, vallah ayıbdır. Əgər mən belə iş tuturamsa qıldığım namaz mənə qənim olsun. Allaha şükür olsun, qazancım var, ailəmi saxlayıram. Mənim bu nəyimə lazımdır? Tamam, vine-larımı tənqid edirsiniz, normal qarşılayıram. Amma buna göz yuma bilmirəm”.

Minval.İnfo