Hüseyndən ayrılan gənclər yeni vine komandası qurdular
Hüseyn Əzizoğlu ilə yollarını uzun müddətdir ayrılan gənclər bir araya gəliblər.
Minval.info xəbər verir ki, vaxtı ilə Əzizoğlu ilə birlikdə vine-lar ərsəyə gətirən şəxslərin hamısı onun yanından ayrılıb. Ayrılan gənclərdən bəziləri təkbaşına vine çəkməyə davam edir.
Əldə etdiyimiz məlumata görə, “Köhnə Komanda” adı ilə yenidən fəaliyyətə başlayan gənclər Mehdi Şıxıyev, Hacı Mahmudov və Məhəmməd Türkməndir. Çəkilişləri isə Nurlan Gülməmmədov həyata keçirəcək.
Mehdi Şıxıyevin sözlərinə görə, onların məqsədi vine sevənlərin zövqünə uyğun işlər ərsəyə gətirməkdir: “Hazırda hamı vine adı ilə nəsə çəkir. Açıq-saçıq geyimli qızları önə çəkib, izləyici yığırlar. İlk videolarımız hazırdır. İlk videomuzdan izləyicilər mesajımızı anlayacaq. Çalışacağıq keyfiyyətli işlər hazırlayaq. Biz buna nə qədər hobbi gözü ilə baxsaq da, ciddi yanaşırıq. Zamanla komandamız böyüyəcək. Biz söyüş yox, sevgi qazanmaq üçün bir araya gəlmişik”.
Minval.İnfo