“Hyundai” dərəyə yuvarlandı, yaralılar var – Fotolar

Göyçayda “Hyundai” markalı avtomobil yoldan çıxaraq dərəyə yuvarlanıb.

“Qafqazinfo” xəbər verir ki, hadisə Qaraməryəm-İsmayıllı-Şəki yolunun 2 kilometrliyində, rayonun Qaraməryəm kəndi ərazisində baş verib. İsmayıllıdan Göyçay istiqamətində hərəkət edən “Hyundai” markalı minik avtomobili, yoldan çıxaraq, dərəyə aşıb.

Hadisə nəticəsində xəsarət alanların olduğu bildirilir.

Faktla bağlı araşdırma aparılır.