İlqar Mikayıloğludan təhqirdolu sözlər: “Tupoy” qadın, uşağa pis gözlə baxacaqlar…”

Teleaparıcı İlqar Mikayıloğlu sərt sözləri ilə gündəmə gəlib.

Minval.info xəbər verir ki, Mikayıloğlu rəqqasə Oksana Rəsulovanın süni mayalanma ilə ana olacağından bəhs edən xəbərinə reaksiya verib.

Teleaparıcı qeyd edib ki, belə uşağa hamı pis gözlə baxacaq və o, ömürlük biabır olur:

“Qadın atasız, süni mayalanma ilə uşaq dünyaya gətirir. Və ya kiminləsə yatır, adını qoyur ki, süni mayalanma elədim. Hər bir halda uşağın atası naməlumdur. “Tupoy” qadın başa düşmür ki, uşaq “vələdüzinna”dır. Və uşağa hamı pis gözlə baxacaq. Bu uşaq ömürlük biabır olur”.

İ.Mikayıloğlu bildirib ki, hər şey də qadının axmaq və “tupoy”luğundan irəli gəlir:

“Uşağı pis adla çağıranda bu, artıq təhqir deyil. “Tupoy” ananın məhv etdiyi uşağın reallığıdır”.

Qeyd edək ki, oxu.az saytında Oksana Rəsulovanın süni mayalanma ilə hamilə qaldığı barədə xəbər dərc olunub.