İranda yol polisinə silahlı hücum: ölən və yaralanan var

İranın Sistan-Bəlucistan əyalətinin Zahidan şəhərində yol-nəqliyyat polisi silahlı şəxslərin hücumuna məruz qalıb.

Virtualaz.org yerli KİV-ə istinadən bildirir ki, motosiklet sürən naməlum iki silahlı şəxs şəhərdə reyd keçirən polis avtomobilinə yaxınlaşaraq odlu silahdan bir neçə dəfə atəş açıb. Atəş nəticəsində Rəzəvi Xorasan əyalətinin Torbəti-cam şəhərinin sakini olduğu bildirilən polis zabiti Qulamhüseyn Candust yerindəcə həlak olub, Hadi Pişəvər adlı bir əsgər isə ağır yaralanıb.

Yaralı əsgər xəstəxanaya yerləşdirilib.

Hücum edənlər hadisə yerindən qaça biliblər.