İraqda 4 türk qadın edam edildi – Rəsmi Ankara hərəkətə keçdi

İraqda dörd türk qadın edam edilib.

Minval.İnfo Teleqraf.com-a istinadən xəbər verir ki, qadınlar İŞİD terror təşkilatına üzv olmaqda ittiham ediliblər.

Onlar bu ilin martında Mosul və Təlafər bölgəsində İraq ordusu tərəfindən həbs olunublar. Bağdadın Terrorla Mübarizə Məhkəməsi qadınların edam edilməsi barədə hökm çıxarıb.

Qadınların cənazələrinin təhvil götürülməsi üçün yaxınları Türkiyə Xarici İşlər Nazirliyinə müraciət edib. Nazirlik məsələ ilə bağlı danışıqlara başlayıb.

Qeyd edək ki, bu günə kimi İŞİD üzvü olan 40 qadına edam cəzası verilib. Onlardan 16-si Türkiyə vətəndaşıdır.