İslamı qəbul etmiş irland müğənni: Atam da maraqlanır

“O, Quranı oxumaq istədiyini deyir”

İslamazeri.com-un “Irısh Central”-a istinadən verdiyi xəbərə əsasən, ötən il İslam dinini qəbul etmiş məşhur irlandiyalı müğənni qadın Şineyd O`Konnor öz yeni dinindəki duyğuları barədə və öz ailəsinin İslama olan münasibətindən danışıb.

Yeni adı Şühəda Sədaqət olan 52 yaşlı Şineyd bir an belə olsun öz qərarına görə peşman olmadığını ifadə edib.

“Mən böyük həvəs və şövqlə İslama yanaşıram və onu səhv fikirlərdən qorumaq niyyətindəyəm”, – deyə o bildirib.

Onun sözlərinə görə, onun atası da İslam dini ilə maraqlanmağa başlayıb və Qurani Kərimi oxumaq istədiyini deyir.

“O, çox maraqlanır. O, Quranı oxumaq istədiyini deyir, amma mənə ona deyirəm ki, oxumaqdansa, dinlə onu”, – deyə Şühəda bildirib.