İsrail səfirinin Təbriz tvitinə İran səfirindən qəzəbli REAKSİYA

Bakıda Təbriz uğrunda gedən döyüşdə İsrail və İran səfirləri toqquşub

Bakupost.az xəbər verir ki, İsrailin Azərbaycandakı səfiri Corc Dik Twitter hesabında “Təbrizin sehrli nağılları” başlıqlı paylaşım edib.

Əlində kitab olan səfir İsrail bayrağı fonundakı fotosuna bu sözləri əlavə edib: “Bu yaxınlarda mənə hədiyyə olunan bu gözəl kitabdan Təbrizdə Azərbaycanın tarixi və mədəniyyəti haqqında çox şey öyrənirəm. Bəs siz u günlərdə nə oxuyursuz?”

Bir müddət sonra İran İslam Respublikasının Azərbaycandakı səfiri Seyid Abbas Musəvi İsrail səfirinin bu paylaşımına ölkəsinə qarşı təxribat hesab edərək, ona cavab verib:

“Bu təşəbbüskar oğlanın nəzərinə: bizim sevimli Təbriz İranın qürurlu tarixində birincilər ölkəsi kimi tanınır. Görünür, ilk şər sionistini də Təbrizin qeyrətli sakinləri dəfn edəcəklər. Bizin qırmızı xəttimizi heç vaxt keçməyin, heç vaxt!”