İstanbulda konsert verən ingiltərəli solist Türkiyə bayrağını öpdü – FOTO

“İmagine Dragons”-un solisti Den Reynolds, İstanbulda öncə Türkiyə bayrağını sonra da, yeri öpdü. 

İstanbulda keçirilən “Dragons” konserti , uzun müddət yaddaşlardan  silinməyəcək.

Minval.info “Habertürk”-ə istinadən bildirir ki,  Türkiyədə birinci dəfə keçirilən “İmagine Dragons” konsertində qrupun solisti Den Reynolds, konsertə  başlamazdan əvvəl  minlərlə pərəstişkarın önündə əvvəlcə Türkiyə bayrağını, ardından  yeri öpüb.

Den Reynolds konsert barədə “Ömrümdə birinci dəfədi Türkiyəyə  gəlirəm, amma bunun sonuncu dəfə olacağını düşünmürəm. Bura çox mühtəşəm ölkədir. Türkiyə inanılmaz bir tarixə, mədəniyyətə sahibdir” deyib.

“İmagine Dragons“  verdiyi konsertdə pərəstişkarlarının da müşayiətiylə birgə 18 ədəd mahnı səsləndirdi. Halid Ərgəç və Şəbnəm Bozoklunun da izlədiyi konsert  üçün “İmagine Dragons”-‘un pərəstişkarları səhər saat 8-dən  etibarən  “KüçükÇiftlik Parkı”-da gözləməyə  başlayıb. “Oceans of Noise” və “The Vaccines” qruplarının  çıxışından sonra səhnəyə  çıxan “İmagine Dragons” 3 saat  boyunca fanatlarını əyləndirib.

Vüqar Mirzəbəy