“İTV-də torbamı tikdilər…” – Murad Arif həm əsəbləşdi, həm öyündü
“İsrailin mahnısı martın 12-si “Youtube”a atıldı. Klipə baxıb, digərlərini dinləmədən onun qalib olacağını demişəm. Sizcə, bir adam hər il qalibi düzgün tapırsa, buna nə ad vermək olar?”
Minval.info xəbər verir ki, bu sözləri bəstəkar-müğənni Murad Arif “Eurovision-2018” müsabiqəsinin qalibi barədə fikirlərini bildirərkən deyib.
Onun deməsinə görə, çoxu gözəl bilir ki, Azərbaycanda 1 nömrəli “Eurovision” mütəxəssisi Murad Arifdir:
“Amma mənim İTV-də “Eurovision” tok-şoularında iştirakımı əngəlliyirlər… Nədir bu adamlarda qorxunun səbəbi? Halbuki, bu müsabiqənin ilk şərhçisi, ilk verilişlərinin hazırlayanı, işlətdiyiniz “Avroviziya” kəlməsinin müəllifi də mənəm. Zamanında o layihədən torbamı pambıqla tikdilər. Nə isə.. Bu ölkədə mütəxəssislər, işi, janrı, təhlili bilən adamlar heç kəsə lazım deyil sanki…”
Qeyd edək ki, sonuncu yarışmada İsraili təmsil edən Netta Barzilainin “Toy” mahnısı ilə birinci olub.