Kənan İlkinini təhqir etdi: “Dovşan, ikiüzlü… Üstünə silahlı gələndə…”
İki sənət adamı – rejissor Kənan Mahmudovla aparıcı İlkin Həsəni arasında yaranan gərginlik davam edir.
Minval.info xəbər verir ki, onlar bir neçə güdü bir-birinin ünvanına ağır sözlər söyləyir. Belə ki, iki şou-biznes nümayəndəsi söyüşlü savaşa çıxıblar və qarşılıqlı ittihamlar səsləndirirlər.
Kənan Mahmudov qalmaqallı “Dəfələrlə “razborka”larında səni şapalaqlanmaqdan qorumuşam” sözlərinə açıqlama verib:
“2002-2003-cü illər olardı, mən hələ təzə-təzə tanınırdım, bir dostumu internetdə söymüşdülər. Əhmədli metrosunun yanına hardasa 15-ə yaxın dost-tanışla məsələni həll etməyə getdik, həll olundu. Daha sonra Allah rəhmət eləsin, hər kəs bilir ki, İlhamə Quliyeva qalmaqallı sənətçimiz olub. 2005-ci ildə onun haqqında nəsə xoşagəlməz süjet hazırlanmışdı və aparıcı da elə həmin dost bildiyim oğlan idi. İlhamə xanımın İlqar adında cangüdəni onu (İlkin Həsəni) söhbətə çağırmışdı, həmin şəxs silahlı və içkili idi.
Dostluq mənim üçün müqəddəs amildir, təbii ki, dovşan dostumuz gəcə saat 3-də mənə dedi və tək getdim, dostum isə maşında oturdu. Sağ olsun, İlqar məni anladı, haqsız olduğumuz halda söhbəti bağladıq, dostumun gözlərindəki sevinc hələ də yaddaşımdan getmir. Elə bil dünyaları ona vermişdilər. Bu, mənə yetərdi. Mənim dünyamda güclü-gücsüz insan yoxdur, haqlı-haqsız insan var. Mən yıxanın yox, yıxılanın yanındayam. Həyatda illər keçdikcə biz insan olaraq çox şeyləri unuduruq. Amma, guya, unutmuşuq kimi yaşayırıq. Unutmağın adı isə nankorluq, ikiüzlülük və nakişilikdir. Bu olayların baş qəhrəmanı hamının “Şəmi müəllim” kimi tanıdığı İlkin Həsənidir”.