Kamildən növbəti qalmaqallı addım – Ara qızışır

İdmançı Kamil Zeynallı növbəti dəfə məhkəməlik olub.

Minval.info News24.az-a istinadən xəbər verir ki, Zeynallı Kamil Heybət oğlu borc müqaviləsinin etibarsız sayılması iddiası ilə məhkəməyə müraciət ünvanlayıb.

İş üzrə cavabdeh müqavilənin imzalandığı Cəfərov Heydər Novruz oğludur. İşlə bağlı ilk iclas iyunun 10-da keçiriləcək.

Bakı Apelyasiya Məhkəməsində işə hakim Şeyda Məhərrəmovanın sədrliyi ilə baxılacaq.

K. Zeynallı isə bu barədə xəbər yazan sayt rəhbərliyini və jurnalistləri ağır söyüşlərlə təhqir edib.

News24.az saytının baş redaktoru Ülkər Qasımova məsələ ilə bağlı bildirib ki, Kamil Zeynallı şərəf və ləyaqəti təhqir edən ifadələrinə görə məhkəməyə veriləcək və onun Azərbaycan qanunvericiliyinə uyğun şəkildə cəzalandırılması tələb olunacaq.