Kamranla 1 – Kamran Həsənli ilə Sevinc Telmanqızı gündəmi müzakirə edir
Bəzi rus hərbçiləri ölkələrini Putin rejimindən xilas etmək üçün tərəf dəyişdirərək, Ukrayna sıralarına keçməyə başlayıblar. Bu barədə Britaniyanın “Daily Mail” nəşri məlumat yayıb. Qəzet yazır ki, onlardan biri, 48 yaşlı rus mühəndis Volodimir Grotskovdur.
O, ölkəsini Putindən xilas etmək üçün Ukrayna ordusuna qatıldığını bildirir: “Mən yaxalanacağım halda Rusiyada “satqın” adlandırılaraq edam olunacağımı çox yaxşı bilirəm. Bunu əvvəlcədən gözə almışam. 11 il əvvəl Rusiyada demokratiya tərəfdarının nümayişlərin alovlanması ilə həqiqəti dərk etməyə başladım. 2014-cü ildə Rusiyanın Krımı ilhaqından sonra Ukraynaya köçməyə qərar verdim. Hazırda Ukrayna ordusunun sıralarında döyüşdüyüm üçün özümlə fəxr edirəm”.
Məlumatda qeyd olunur ki, rus ordusuna qarşı döyüşənlər arasında “Qazprombank”ın keçmiş vitse-prezidentlərindən olan İqor Volovuyev də var. Ukraynada anadan olan Volovuyevin Rusiya vətəndaşı olmasına baxmayaraq, işğaldan sonra Ukrayna ordusuna qatıldığı bildirilir.
Qeyd edək ki, Ukayna Müdafiə Nazirlyinin məlumatına görə, müharibədən sonra tərəf dəyişdirərək, Ukrayna sıralarına qatılan rus hərbçilərinin sayı yüzdən çoxdur.
Bu və gündəmdəki bir xəbərləri bu gün saat 16.00-da “Kamranla 1” verilişində aparıcı Kamran Həsənli ilə aparıcı Sevinc Telmanqızı müzakirə edəcək. Müzakirədə tamaşaçılarımız da iştirak edə bilər.