Konqoda Ebola virusundan ölənlərin sayı 800-ü keçib

Konqoda Ebola virusu 800-dən çox insanın həyatına son qoyub.

ONA-nın verdiyi xəbərə görə, bu barədə ölkənin Səhiyyə Nazirliyi məlumat yayıb.

Bildirilir ki, bu günə qədər təxminən 400 nəfər bu virusdan müalicə oluna bilib, 800-dən çox virus daşıyıcısı isə dünyasını dəyişib.

Məlumata görə, ümumilikdə 1251 yoluxma ehtimalı qeydə alınıb ki, onların da 1185-i rəsmi təsdiqini tapıb.