Koronavirusa qalib gələn Maldini əməliyyat olundu

İtaliya milli komandasının və “Milan”ın sabiq futbolçusu Paolo Maldini əməliyyat olunub.

“Report” “Football Italia”ya istinadən xəbər verir ki, hazırda klubun texniki direktoru olan 52 yaşlı keçmiş müdafiəçi böyrək daşlarının çıxarılması üçün cərrahi müdaxiləyə ehtiyac duyub.

Əməliyyatın ciddi olmadığı bildirilib.

Qeyd edək ki, Paolo Maldini və oğlu Daniel Maldini koronavirusa qalib gəlib.