“Kreditlər dondurulmadı, xəstəxanalarda yer yoxdur” – Nura Suridən etiraz
“Bu dünya-aləm xəstələnib qurtarandan sonra peyvənd kimə lazımdır ki? SMS icazə, sərhədlərin bağlanması, işsizlik nəyə xeyirdi? Onsuz da dedikləri kimi oktyabrdan bəri hamı xəstələnir. Elə bil Nastradamusdurlar… Plan nədir? B planı, C planı və yaxud X planı?”
Musavat.com xəbər verir ki, bu sözləri müğənni Nura Suri sosial şəbəkədə yazıb. Sənətçi koronovirus infeksiyasının qarşısının alınması məqsədilə tətbiq edilən qadağalara etirazını bildirib:
“Camaatın kreditləri dondurulma, faizlər dayandırılmadı, xəstəxanalarda yer yoxdur. Təcili yardım heç cavab vermir. Bəllidir ki, yorulublar, beziblər. Yəni yaxşılığa doğru dəyişiklik yoxdur. Bu SMS nədir axı girib ömrümüzə?
Təmiz hava almasın heç kəs? Bir ailədə hamı xəstədirsə, evdən çıxa bilmirsə, kim alsın çörəyi, kim bişirsin yeməyi, hansı pulla etsinlər bunu? Hansı pulla dərman alsınlar? 9 aydır dünyada pandemiyadır, hələ də bizim apteklərdə dərmanlar tapılmır. Niyə? Bilirsiniz də artıq, çox edin dərman sifarişini. Od qiymətinə satılır dərmanlar. Tanışı olan tapır ancaq. Nədir də bu dəhşət?”.
Könül
Musavat.com