Lalə Məmmədova qızına görə keçmiş ərini məhkəməyə verir
Əməkdar artist Lalə Məmmədova ilə keçmiş həyat yoldaşı İlham Qafarov arasında yaşanan qalmaqal səngimək bilmir.
Musavat.com xəbər verir ki, “Çıxış yolu” verilişinə müsahibə verən Qafarov müğənni haqqında inanılmaz açıqlamalar verib. Müğənninin isə keçmiş ərinə cavabı gecikməyib.
O, bildirib ki, İ.Qafarovu məhkəməyə verərək: “Son həssas dönəmlərimdə yanımda olan və ola bilməyən dostlarıma, sənət yoldaşlarıma, əzizlərimə və məni qəlbən sevənlərə dəstəklərinə görə təşəkkür edirəm. Sizi üzmək istəməzdim. Susmaq haqqımdır. Lakin söhbət övladlarımdan gedirsə, məni üzrlü hesab edin. Övladıma və mənim ünvanıma deyilən yalan və böhtanlara görə göydə Allaha, yerdə isə dövlətimə və qanunlarıma güvənirəm. Bu yerlərə zəhmətimlə və xalqın sevgisi sayəsində gəlmişəm. İllərlə qazandığım şərəf və ləyaqətimi, min biz əziyyətlə böyütdüyüm övladlarıma deyilən təhqiramiz sözlərə görə qanun qarşısında cavab verəcəklər”.
Qeyd edək ki, Qafarov müğənninin onu hədələdiyini və 13 yaşlı qızının onu təhqir etdiyini də iddia etmişdi.