“Lotu Quli” ona qarşı olan sui-qəsd iddiası barədə danışdı

Sosial şəbəkələrdə atışma videosu yayılıb və şərhlərdə iddia olunur ki, guya bu kadrlar kriminal avtoritet Nadir Səlifovun (“Lotu Quli”) qətlinin görüntüsüdür.

Minval.İnfo xəbər verir ki, videoda ağ rəngli avtomobildə bir qrup insan dayanacaqda durmuş avtomobilləri əzərək atəş açır. Kadr arxasındakı qadın səsi bildirir ki, atışma nəticəsində “Lotu Quli” qətlə yetirilib.

Məlumatı dəqiqləşdirmək üçün virtualaz.org-un əməkdaşları Nadir Səlifovun özü ilə əlaqə yaradıblar və o, həmin məlumatı şəxsən təkzib edib.

Məlum olub ki, kriminal avtoritetə qarşı heç bir sui-qəsd olmayıb, onun özü isə hazırda İstanbulda yaşayır.