Məciddən “Maşın”da tərs köşə: Kişilərə dəyməyəcəyini demişdi

“Maşın şou”nun növbəti yarışma günü baş tutub.

Musavat.com xəbər verir ki, şouda iştirakçıların səsverməsi nəticəsində aktyor Məcid Hüseynov səsverməyə çıxıb. O, oyun boyu hədəfini açıqlamasa da, kişiləri uzaqlaşdırmayacağını bildirib. Daha sonra aktyor Aysun ilə Türkanın da hədəf olmadığını deyib. Sonda layihədə qalmaq hüququ qazanan aktyor aşıq Namiq Fərhadoğlunu uzaqlaşdırıb. Onun bu addımı aşığı şoka salıb.

Artıq “Maskarad” adlı yarışda 10 iştirakçı maşın uğrunda mübarizə aparacaq. Onlar aşağıda adları qeyd olunanlardır:

Xalq artisti Fatma Mahmudova, müğənnilər Türkan Vəlizadə, Aysun İsmayılova, Niyam Salami, Ramal İsrafilov, aparıcılar Suna Kasımoğlu, Lalə Mustafayeva, Kəmalə Piriyeva, aktrisa Zümrüd Qasımova, aktyor Məcid Hüseynov.