“Mənə təkcə Röya pul verir” – Ramal

“Telefonlarım doludur, sifarişlər gəlir. Mahnını göndərirəm, pulu deyəndə, qayıdırlar ki, bahadır”.

Minval.info xəbər verir ki, bu sözləri müğənni-bəstəkar Ramal İsrafilov “ATV maqazin onlarla” verilişinə açıqlamasında deyib. Sənətçi bildirib ki, yazdığı mahnılara görə həmkarları ona pul ödəmir:

“İndi mən gedib başqa ölkədə işləsəm, onlara mahnımı 15 minə satsam, buradakılar həvəsə gələr. Deyərlər, gəlsin bizə mahnı yazsın. Röyaya mahnı verirəm, təkcə o, yaxşı qonorar da alıram. Röya elə-belə mahnı oxuyar? Evinə 10-20 mahnı göndərilir. Seçir içindən birini oxuyur. “Kimin belə sevgilisi var?” pis mahnıdır?”.