Məşhur aktyor ilk dəfə danışdı: “Otağı yandırıb, məni bıçaqladı”
“Çok güzel haraketler bunlar” proqramının məşhur aktyoru Metin Yıldızın 3 illik sevgilisi Gözde Kayraya şiddət göstərdiyi iddia edilib.
Musavat.com Türkiyə mətbuatına istinadən xəbər verir ki, aktyor ilk dəfə sevgilisi ilə bağlı yaşanan hadisələrdən danışıb:
“Gözdə xanımın mənə zərər verəcəyini anlayıb, qarşısını almağa çalışdım. “Səndən ayrılmağın bədəli nədirsə, ödəməyə hazıram. Artıq dayana bilmirəm” dedim. “Səni yandıraram, məni döydüyünü deyib, səni bitirərəm” deyə məni hədələdi. Qaldığım otelin otağına girib, paltarlarımla birlikdə oranı yandırdı. Məni bıçaqladı. Psixoloji xəstədir, dəfələrlə həkimə getdik. Mənə “Ya mənim olacaqsan, ya heç kimin olmayacaqsan” dedi. Bu hadisələrdən sonra anam çox üzüldü və insult keçirdi. Səhvim həmişə susmağım olub. Daha susmayacağam”.
