Mağazasından oğurluq edənlərə iş təklif etdi – VİDEO

İş yerinizi qarət edən oğrulara iş təklif edərdinizmi?

İstanbulda Bayrampaşa adlanan ərazidə iş sahibi olan bir nəfər fərqli addım ataraq sosial medianın gündəminə düşməyi bacarıb.

Belə ki, Müzəffər Sevimli adlı şəxs tekstil anbarına girən oğruların cəldliyi qarşısında heyrətini gizlədə bilməyərək, onlara iş təklif edib.

Minval.İnfo xəbər verir ki, Müzəffər Sevimli açıqlamasında öz təklifinə belə izahat gətirib:

“Bu oğruların daşıdığı malların birinin çəkisi 70 kilodur və biz bu malları 1 günə daşıyıb qurtara bilmirik. Oğrularsa o qədər ağır yükləri cəmi bir saata daşıyıb qurtardılar. Ona görə də onlara gəlib bizimlə işləməyi təklif etdim. Halal zəhmətləri ilə pul qazansınlar”.

“Beyaz Show”-a qonaq olan Müzəffər Sevimli olanları bir daha danışaraq, oğruların iş təklifinə 6 ay sonra cavab verdiklərini, oğurlanan malları geri qaytarmadıqlarını və üstəlik yenə anbarı qarət etdiklərini söyləyib.

Məleykə

Minval.info