Maksim Medvedev: “Biz aqressiv oyuna və hər şeyə hazırıq”

Minval.info həmin müsahibəni təqdim edir:

– Maraqlı oyun oldu, məncə. Komandalar səviyyə baxımından eynidir, belə görüşlərdə ən az səhv edən xal qazanır. Həmin gün bizim günümüz idi və vacib xalları qazana bildik.

– “Kayrat” çox intizamlı görünürdü, komandanın öz fəlsəfəsi, oyun üslubu var. Onların da imkanları vardı, nəzarətsiz qaldıqda təhlükəli olurdular.

– Təkcə birinci hissədə yox, oyun boyu problemlər yaratdılar. Ancaq biz onları dayandıra bildik, eyni zamanda öz qol vəziyyətlərimizi də yaratdıq.

– Konfrans Liqasının oyunları tam başqadır, ora fərqli şəkildə köklənirik. Qarşılaşmadan əvvəl baxmırıq ki, qalib gəlmişik, ya uduzmuşuq. Hazırlaşıb, əlimizdən gələni edib, öz işimizi görəcəyik.

– Başa düşürük, səfərdə oynayırıq və rəqib də tribunadan dəstək alacaq. Amma bizim oyunlarımızı təhlil etsəniz, görərsiniz ki, ən yaxşı matçlarımızı səfərdə keçiririk. Orada daha çox motivasiya oluruq. Biz aqressiv oyuna və hər şeyə hazırıq. Bu işdə artıq böyük təcrübəmiz var.

– Görüşün necə keçəcəyini dəqiq deyə bilmərəm. İstəyirəm ki, futbol hər iki komanda üçün möhtəşəm olsun – şanslar eynidir, ona görə də matçın nəticəsini zaman göstərəcək.

– Statistikaya baxsaq görərik ki, indiyə qədər hər şey sizin dediyiniz kimidir: 7 xal qazandıqdan sonra “Bazel”dən öndəyik. Ancaq riyazi baxımdan hələ hər kəsin birinci yeri tutmaq şansı var.

– Təbii ki, matçı qələbə ilə başa vursaq bizi qane edəcək. Bunun üçün çox işi maksimum dərəcədə görmək lazımdır.