Mesut Özildən “Fənərbağça” açıqlaması

“Arsenal”ın futbolçusu Mesut Özil tvitterdə azarkeşlərin suallarını cavablandırıb.

Fanat.Az xəbər verir ki, 33 yaşlı yarımmüdafiəçi uşaqlıq illərində azarkeşlik etdiyi klubun adını açıqlayıb.

Özil Almaniyada yaşayarkən “Fənərbağça”ya azarkeşlik etdiyini bildirib: “Almaniyada hər bir türk ölkənin hansısa komandasını dəstəkləyir. Mənim komandam “Fənərbağça” idi. Klub “Real”a bənzəyir, ölkənin ən böyük klubudur”.

Təcrübəli futbolçu karyerasını başa vurmamışdan əvvəl iki ölkədə oynamaq istədiyini vurğulayıb: “Türkiyə və ABŞ-da oynamaq niyyətindəyəm. Türkiyəyə getsəm, sadəcə “Fənərbağça”da oynayacağam”.

Qeyd edək ki, Türkiyə mətbuatı Mesut Özilin “Fənərbağça” ilə anlaşdığını yazıb. Onun “Arsenal” klubu ilə müqaviləsi yayda başa çatır.