Minlərlə hamilə qadın ölümlə üz-üzə –ŞOK HESABAT

Birləşmiş Millətlər Təşkilatının Əhali Fondu (UNFPA) yəmənli hamilə qadınlarla bağlı hesabatını təqdim edib.

Minval.info  teleqraf.com-a istinadən xəbər verir ki, UNFPA Yəmənin 4 ildir müharibənin davam etdiyi Hüdeydə şəhərində hamilə qadınların ölüm təhlükəsi ilə qarşı-qarşıya olduğunu açıqlayıb.

Hesabata görə, müharibə bölgədə səhiyyə sistemini tamamilə sıradan çıxarıb, xəstəxanalar yerlə-yeksan edilib. Hamilə qadınlar xidmət səviyyəsinin aşağı düşməsinə görə ölüm riski ilə üz-üzə qalıblar.

Bölgədə minlərlə hamilə qadın yaşayır.

UNFPA hesabatında Yəməndə ana ölümlərinin 2015-ci ilə müqayisədə iki dəfə artdığı barədə xəbərdarlıq edib.

Qeyd edək ki, 2014-cü ildən Yəməndə vətəndaş müharibəsi gedir.