Azərbaycan telekanalında hicabla şortik eyni tutuldu – Video
“Space TV”nin efirində yayımlanan “El bizim, sirr bizim” verilişində müğənni açıqlamaları ilə diqqət çəkib.
Minval.info xəbər verir ki, proqrama dəvət alan sənətçi Şəhriyar Məhərrəmov qadınların geyimi və onlara olan münasibət barədə fikirlərini bildirib.
O, çıxışı zamanı hicablı qadınla şortik geyinən arasında heç bir fərq qoymadığını dilə gətirib.
“İnsanın əxlaqı, intellekti, həyata baxışı hər bir şeyi geyimlə ölçülmür. Belə baxanda, bir milyon il bundan əvvəl hamı lüt gəzib. Sonradan inteqrasiya, əncil yarpağı filan… Avropa intibah dövrünü keçib, orada 18-ci əsrdə qadınlar qapalı gəzirdilər. Fransada ilk dəfə mini və ya şortik geyinən insanlara bizim kişilərdən pis baxırdılar. Biz də bu mərhələni keçəcəyik”.
Şəhriyar Məhərrəmov həmçinin açıq-saçıq geyimə münasibəti din faktoru ilə əlaqələndirib: “Bizim kimi toplumlarda, xüsusən İslam dünyasında kişilərimizin qadına qarşı olan fikrinə dindarların fətvaları, danışdıqları və s. müdaxilə edir. Din buyurur ki, belə geyinmə, qır qazanı falan. Bizim ənənəmiz, Axundovumuz var. Qadınımız bürünə bilməz”.
Samir / Minval.info