N. Nərimanovun adına yaraşmayan hərəkət – Zabrat sakinləri ayağa qalxdı (VİDEO)
“Space” Tv-də yayımlanan “Olar? Olmaz!” verilişində maraqlı görüntülər yayımlanıb.
Minval.info xəbər verir ki, Nəriman Nərmanovun adını daşıyan küçədə çirkab sular arx vasitəsi ilə axıdılır. Sanki hansısa ucqar kənddir. Telaparıcı Amil Xəlil yenə də aidiyyatı qurumları tənqid edib.
O, Nərimanovun adını daşıyan küçənin bu halda olmasının günahını “Azərsu” və icra orqanlarında görüb. “Azərsu” ASC-nin mətbuat xidmətinin rəhbəri də açıqlama verərək teleaparıcının haqlı olduğunu, lakin əraziyə gələcəkdə kanalizasiya xəttinin çəkiləcəyini deyib. Maraqlı məqam ondan ibarətdir ki, məhəllənin yuxarı və aşağı hissələrinə “Azərsu” tərəfindən yeni xəttlər çəkilib.
Başı bəlalı Nəriman Nərmanov küçəsinin sakinlərinin dərdi bununla da bitmir. Onlar Rauf adlı şəxsə pul veriblər ki, kanalizasiya xəttini özləri çəksin. Bu dəfə də Rauf pulları götürüb və sakinlərin ümidini puça çıxardıb. Amil Xəlil əvvəllər su kanalizasiya idarəsinin əməkdaşı olan Rauf adlı şəxs ilə olanları müzakirə edib. O da öz növbəsində 1 həftə ərzində pulları geri qaytarcağına söz verib.
Həmin anları təqdim edirik.