Naibə Allahverdiyeva: “Zamanında çörək almağa belə pulum olmayıb… “

“Son günlər intiharlar baş alıb gedir! Əl saxlayın, ey insanlar (gənclər), neynirsiniz?”

Minval.info bildirir ki, bu sözləri Xalq artisti Naibə Allahverdiyeva sosial şəbəkədə yazıb.

Xalq artisti həyəcanla son vaxtlar intihar hallarının sayının artdığını qeyd edib: “Elə bilirsiniz ki, bununla canınızı qurtarıb rahatlıq tapacaqsınız? Xeyr, ruhunuz əzab icində olacaqdır! Çünki siz Allahın sizə verdiyi can əmanətini onun üzünə çırpırsınız. Allah bütün günahlar bağışlayır, amma intiharı yox və cəhənnəmin qapılarını ilk onlar üçün acar! İndi hansı yaxşıdır – əbədi cəhənnəm, yoxsa sabaha xoşbəxtlik işartısı verən, gözəl sürprizlərlə dolu həyat?

Həyatda övlad itkisindən əzablı hiss yoxdur. 44 günlük müharibədə analar balalarını itirdilər, əlil gördülər, amma intihar etmədilər, dözdülər. İllərnən sağalmaz xəstəliyə dücar olanlar belə həyat eşqi ilə yaşayır! Əli, qolu olmayan, gözləri həyat ışığından mərhum olan insanlar həyatdan iki əlli yapışırlar. Sizə nə olub? Kimin həyatında problemi yoxdur?”.

Xalq artisti zamanında özünün də çox böyük çətinliklə, valideyn sevgisi görmədən böyüdüyünü dilə gətirib: “Mən uşaqlıqdan ana-ata məhəbbəti görmədim. Gəncliyim zillətlə kecib, əlimdən tutub ayağa qaldıran olmadı, əksinə, yıxdular, sürüdülər. Amma yenə ayağa qalxdım və həyatı sevməkdə davam etdim. Zamanında çörək almağa belə pulum olmayıb və mənim kimi insanları saysan bitib tükənməz! İllərlə depressiyadan əziyyət cəkmişəm və mübarizə aparmışam. Həyat nə qədər haqqsızlıqlarla dolu olsa da, yenə də gözəldir!

Yaşayın, insanlar! Əgər stressdən, depressiyadan əzab cəkirsinizsə məscidə gedin, dualar edin, Allahla ünsiyyət yaradın. Əllərinizi səmaya doğru qaldırıb, Allahdan şəfa diləyin, dərdlərinizi Allaha söyləyin, hüzur tapacaqsınız”.