Narkotikə görə saxlanılan baş redaktor həbs edildi – FOTO
Narkotik vasitələrin satışı ilə məşğul olmaqda təqsirləndirilən “Bakupress” milli informasiya agentliyinin rəhbəri Şəfəq Ağacanın barəsində həbs qətimkan tədbirinin seçilməsinə dair istintaq orqanı tərəfindən verilən vəsatətə baxılıb.
Minval.İnfo ONA-ya istinadən xəbər verir ki, xanım jurnalist Xətai Rayon Məhkəməsinə gətirilib. Birazdan hakim Cavid Hüseynin sədrliyi ilə onun barəsində həbs qətimkan tədbirinin seçilməsinə dair istintaq orqanı tərəfindən verilən vəsatətə baxılıb.
Külli miqdarda narkotik vasitə satmaq istəyərkən polis tərəfindən saxlanıldığı iddia edilən Şəfəq Ağacan (Ağabalayeva) barəsində həbs qətimkan tədbiri seçilib.
Xətai rayon Məhkəməsində jurnalist barəsində 3 aylıq həbs qətimkan tədbiri seçilib.
Xatırladaq ki, paytaxtın Nərimanov rayonu ərazisində yerləşən 5 saylı şəhər Klinik Xəstəxanasının qarşısında narkotik vasitələrin qanunsuz dövriyyəsi ilə məşğul olan şəxslərə qarşı əməliyyat keçirilib. Əməliyyat zamanı bir qadın 62 bükümdə ümumi çəkisi 311 qramdan artıq olan qurudulmuş marixuananı 100 ABŞ dolları və 1830 manata satarkən saxlanılıb.
Araşdırmalar zamanı saxlanılan qadının “Bakupress” milli informasiya agentliyinin rəhbəri Şəfəq Ağacan (Şəfəq Ağacan qızı Ağabalayeva) olması müəyyən edilib.
