“Neftçi” UEFA reytinqində gerilədi
Klubların UEFA reytinqi açıqlanıb.
Minval.info-nun məlumatına görə, avrokubokların pley-off mərhələsindən sonra siyahıda bəzi dəyişikliklər olub.
Azərbaycanın ən yaxşı təmsilçisi “Qarabağ”ın mövqeyi dəyişməz qalıb. Konfrans Liqasının pley-off mərhələsində Şotlandiya “Aberdin”ini (1:0, 3:1) mübarizədən kənarlaşdıran Qurban Qurbanovun yetirmələrinin xal hesabı 18,500-dür.
Ağdam klubu kimi Niderland “Feyenoord”u və Almaniya “Volfsburq”u da eyni xala malikdir. Bu klublar 69-cu yeri bölüşür.
Hayfa “Makkabi”si qarşısında aciz qalan (3:3, 0:4) “Neftçi” isə 7,000 xalla 155-cidir. Bakılılar 1 pillə geriləyib. Buna Avstriya “Şturm”unun irəliləməsi səbəb olub.
Digər klubların da mövqeyi dəyişməz qalıb. “Keşlə” 4,000 xalla 285-ci, “Qəbələ” 3,500 xalla 301-ci sırada qalıb. “Sumqayıt”, “Səbail” və “Zirə” 2,825 xalla 342-ci yeri bölüşür.
Qeyd edək ki, cədvələ 116,000 xala malik “Bavariya” başçılıq edir.