Niyə ən yaxşı fikirlər ağlımıza tualetdə gəlir? – CAVAB

White toilet bowl in a bathroom.

Tualetdə və ya duşda olduğumuzda niyə beynimiz daha yaxşı işləyir?

Yəqin hər kəs bir dəfə də olsa tualetdə və ya duş qəbul etdiyində günlərlə, bəzən həftələrlə axtardığı sualın cavabını tapdıqda heyrət yaşayıb.

“Pshyco Cybernetix” kitabının yazıçısı Dr.Maksvell bu məsələni bu şəkildə izah edib:

Şüuraltınız gecə-gündüz sizə cavab verməyə çalışır. Lakin sizin diqqətiniz dağınıq olanda şuuraltı sizə cavab verə bilmir. Rahat bir yerdə sadəcə probleminizə köklənin. Görəcəksiniz ki, cavab dərhal gəldi. Tualetdə, xüsusən də duş aldığınız zaman yaratdığınız sakit şərait sizə problemə köklənməyə kömək edir. Xüsusən duş qəbul etməyin problem həll etmədə köməkçı olmasının 4 səbəbi var:

Duş qəbul etdiyinizdə diqqətinizi toplaya bilirsiz. Sabah durar-durmaz gününü aktiv keçirməyə çalışan hər kəs duş qəbul etməyə meyillidir. İsti su və sabun qoxusu əhvalınızı qaldıracaq.

Diqqətinizi dağıdacaq şeylərin olmaması və ya çox az olması… Əgər ofisdə yaradıcılıqla məşğul ola bilmirsizsə, bu ofisin boğucu atmosferindən irəli gəlir. Eyni zamanda, diqqətinizi cəlb edəcək bir neçə şey olacaq. Vanna otağı üçün isə belə demək olmaz.

Duş qəbul etdiyimiz zaman, zehni fəaliyyət azalır və bədənimizdə dopamin səviyyəsi artır. Bu da beyində yaradıcı fəaliyyət üçün alfa dalğasının güclənməsinə şərait yaradır.

Qayğılardan ayrılmağınız beyninizin yaradıcı düşünməsinə təsir göstərir. Heç fikir vermisiniz ki, çox vaxt problemlərin həllini o problem haqda düşünməyi buraxanda tapmısınız? Cavabı tapmaq üçün beynimizə etdiyimiz təzyiq beyinin cavab tapma sürətini zəiflədir. Duşa girib rahatlaşanda isə , beyin öz işini görür.

Nərmin

Minval.İnfo