Nüşabə Ələsgərli polisə çağırılması — XƏBƏRİNDƏN DANIŞDI
Əməkdar artist Nüşabə Ələsgərli polisə çağırılması barədə yayılan xəbərlərə aydınlıq gətirib.
Sənətçi “Ölkə.Az”-ın əməkdaşı ilə söhbətində bildirib ki, hazırda xaricdədir:
“Mən də xəbərləri dost-tanışdan eşitmişəm. Hazırda xaricdəyəm və polisə çağırılmamışam”.
Qeyd edək ki, M.Ağayevin keçmiş kürəkəni Taleh Hüseynov bu iddiayla çıxış etmişdi: “Manaf Ağayevin qızından boşanandan sonra onun göstərişi ilə şou-biznesdəki dostları tərəfindən təzyiqlərə məruz qaldım. Bunlardan biri də Nüşabə Ələsgərli idi ki, mənə dəfələrlə sərt təzyiqlər göstərirdi. Müəyyən insanların vasitəsilə mənim “başıma oyun açacağı” və ciddi problemlər yaradacağı ilə hədə-qorxu gəlirdi. Bu təzyiqlər mən polisə müraciət edənədək davam etdi. Məcbur qalıb hüquq-mühafizə orqanlarına müraciət etdim. Nüşabə Ələsgərli Nəsimi rayon Polis İdarəsinə çağırıldı. İzahatı alındıqdan sonra sərbəst buraxıldı”.
Qeyd edək ki, Bakı Şəhər Baş Polis İdarəsinin Mətbuat xidmətinin rəhbəri polis mayoru Elşad Hacıyev məsələ ilə bağlı Oxu.Az-a açıqlamasında deyib ki, məlumatlarda iddia olunan müğənni Manaf Ağayevin keçmiş kürəkəninin şikayəti əsasında N.Ələsgərlinin Nəsimi Rayon Polis İdarəsinə dəvət olunması ilə bağlı yazılan məlumatlar həqiqəti əks etdirmir.