“O ailəni sən yox etdin…”
Bir neçə gün bundan əvvəl “Elgizlə İzlə” verilişinə çıxaraq kömək istəyən müğənni Samir Cavadzadənin qardaşı Ramin barədə maraqlı faktlar ortaya çıxıb.
“Qafqazinfo”nun məlumatına görə, belə ki, ailənin keçmiş qonşusu studiyaya zəng edərək ifaçının qardaşı barədə həqiqətləri açıqlayıb:
“Sözüm o ailəni yox edən Raminədir. Onların evlərini satdırıb, Rusiyaya getdi. Ailəsinə dedi ki, barmaqlarını kəsiblər. Samir anası ilə birgə Rusiyanın küçələrinə düşüb Ramini axtardı. Gedib gördülər ki, Raminin ətrafında pis insanlar var, onun gözünü çıxarıblar.
Ramin, 40-a yaxın yaşı olan adama ana baxmalıdır? Utanmırsan? Özünü qınasın. Belə həyata düşməyəydi. Hansı evdən danışır? Onların evi var? Anası bacısıgildə qalır. Samir də kirayə yaşayır. Deyir ki, Samirə kömək edib? Hansı köməkdən danışır? Sənə edilib… Sən heç nə etməmisən. Onlar məhlənin ən gözəl ailəsidir. O ailəni sən yox etdin. Diri ikən ölü ailə etdin. Özü-özünü o günə salıb”.
Qeyd edək ki, verilişin ötən buraxılışında “Elgizlə İzlə”yə müraciət edən ifaçı Samir Cavadzadənin qardaşı Ramin Cavadzadə səfil həyat sürdüyünü, xəstə olduğunu və köməyə ehtiyacı olduğunu bildirib.