Ölkə ərazisində küləkli hava şəraiti nə qədər davam edəcək?
Növbəti iki gündə Azərbaycan ərazisində müşahidə olunacaq hava proqnozu açıqlanıb.
Minval.info xəbər verir ki, Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Gülşad Məmmədova açıqlamasında növbəti günlərdə ölkə ərazisində küləkli hava şəraitinin davam edəcəyinin gözlənildiyini deyib.
Onun sözlərinə görə, ölkə ərazisində arabir güclənən qərb küləklərinin üstünlüyü müşahidə olunacaq: “Mart ayının 24-ü axşam və ayın 25-də əsasən şimal və qərb rayonlarında yağış yağacağı gözlənilir”.
Havanın temperaturuna gəlincə mütəxəssis qeyd edib ki, növbəti günlərdə temperatur rejimində mühüm dəyişiklik gözlənilmir: “Hazırda havanın temperaturu iqlim normasından bir qədər yüksəkdir. Havanın temperaturu Aran rayonlarına 18-23, Bakıda və Abşeron yarımadasında 12-17, dağlıq rayonlarda isə 10-15 dərəcədir”.