Onlar bu dəfə “Zəhər tuluğu”nun qala gecəsinə yığışdılar – Fotolar
Ötən gün “Zəhər tuluğu” filminin qala gecəsi baş tutub.
Minval.info xəbər verir ki, Heydər Əliyev Sarayında keçirilən tədbirə ekran işinin yaradıcı və aktyor heyəti ilə yanaşı sənət adamları da qatılıblar.
Sosial dram janrında çəkilən filmdə Xalq artisti Səidə Quliyeva, Əməkdar artistlər Rasim Cəfər, Hüsniyyə Mürvətova, aktyorlar Taleh Yüzbəyov, Ləman Mərrih, Nəzakət Heydərova, Əlixan Rəcəbov, Cavidan Novruz, Zülfiyyə Qurbanova, Tural Əhməd və başqaları rol alıb.
Sosial platformalarda geniş müzakirələrə səbəb olmuş və tamaşıçılar tərəfindən çox bəyənilmiş “Zəhər tuluğu” silsiləsinin qəhrəmanı Adili (Taleh Yüzbəyov) tamaşaçılar bu dəfə fərqli obrazda görüb.
Filmin baş prodüseri Orxan Mərdan, quruluşçu rejissorları Teleh Yüzbəyov və Orxan Mərdan, quruluşçu operatoru İman İmanov, ssenari müəllifləri Orxan Mərdan, Taleh Yüzbəyov, Pərviz Həsənov və Cəlil Cavanşirdir.
Nərminə Aydınqızı