“Özümü bu bədənlə qəbul edirəm” – FOTOLAR

Son zamanlar jurnal çəkilişlərində və podiumlarda daha tez-tez görünən model İskra Laurens yeniyetməlik illərində tutduğu pəhrizlərin qidalanmasına necə mənfi təsir göstərdiyindən bəhs edib.

Minval.info xəbər verir ki, “İnstagram”dakı şəkilləri ilə məşhurlaşan İskra arıqlamağa çalışdığı dönəmlərdə bədəninin hər hissəsini ayrı-ayrılıqda ölçdüyünü deyib:

“Mən və məktəb yoldaşlarım 1 litr suya limon və qırmızı bibər qoyub bütün günü içirdik. Jurnallarda “1 həftəyə 10 kilo çəki itirin” başlığı altında yazılan hər şeyi yerinə yetirirdik.

Sonra da dayanmadan idmanla məşğul olurdum. Bədənimin hər hissəsini – qollarımı, ayaqlarımı, çanağımı, sinəmi ayrı-ayrılıqda ölçüb, necə arıqladığıma baxırdım. Bunların nəticəsində isə arıqlamadım, əksinə qidalanma problemləri yaşamağa başladım”.

İskra model olmaq üçün müraciət etdiyi heç bir agentlikdən müsbət cavab almadığına görə bu yola əl atdığını bildirib. Ancaq sonda anlayıb ki, insan ancaq özünü olduğu kimi qəbul edərsə, uğur qazana bilər:

“Çəki atmağı ağlına qoymaq, insanın enerjisini azaldır, ruh ağlamlığına mənfi təsir göstərir, sizə özünüzə əziyyət verəcək məşqlər etməyə məcbur edir. Hazırda özümü olduğum kimi qəbul edib, böyük bədən maniken kimi çalışa bilirəm”.

Minval.info