Paşinyanın oğlu əsgər gedir – Dağlıq Qarabağda xidmət edəcək

Ermənistanın baş naziri Nikol Paşinyanın oğlu – Aşot Paşinyan yay çağırışı zamanı hərbi xidmətə yollanacaq.

Minval.info xəbər verir ki, bu barədə İnterfaks məlumat yayıb.

Paşinyan Facebook səhifəsində canlı yayımda bildirib ki, martda oğlunun 18 yaşı tamam oldu, qanuna uyğun olaraq o, hərbi xidmətə yollanacaq.

Aşot Paşinyan isə işğal olunmuş Dağlıq Qarabağda hərbi xidmətdə olmaq üçün ərizə yazıb.