Paytaxtda sürücü piyadanı vurub qaçdı

7 avqust tarixində saat 22:00-23:00 radələrində ağır-yol nəqliyyat hadisəsi baş verib.

“Minval.info” xəbər verir ki,  Bakı şəhəri, Yasamal rayonu, Şəfaət Mehdiyev küçəsində sürücü atası ilə birlikdə yolu keçən azyaşlı piyadanı vurub.

Təxmini 13-16 yaşlarında olan zərərçəkən hadisə nəticəsində sol ayağında sınıq xəsarətləri alıb və  huşunu itirib.

Təcili tibbi yardımın gecikdiyini görən hadisə şahidləri piyadanı xəstəxanaya şəxsi avtomobillə aparıblar.

Hadisə şahidlərinin sözlərinə görə, sürücü uşağın huşsuz vəziyyətdə olduğunu görüb avtomobilinin ön hissəsinə nəzər yetirəndən sonra hadisə yerindən qaçıb.

Qeyd edək ki, sürücünün kimliyi və avtomobilin dövlət nömrə nişanı bəlli deyil.

Minval.info

Ləman Cavadova